Recapitulation

Recapitulatio de Licitis et Illicitis in Conjugio.—(a) Illicita graviter sunt extra matrimonium facta, v.g., moechia, mollities solitaria, alienae conjugis concupiscentia; sed probabiliter actus imperfecti et solitarii in proprium corpus exerciti leve non excedunt, citra periculum pollutionis, siquidem in delectationem veneream quae in conjugio licita est natura sua ordinentur, sicque minus indecentes fiant.

(b) Illicita graviter sunt intra matrimonium facta sed contra finem, i.e., naturae matrimonii seu generationi prolis repugnantia, ut sunt pollutio mutua, onanismus, impudicitia quae non in copulam sed in pollutionem tendit.

(c) Illicita leviter sunt intra matrimonium facta sed praeter finem, i.e., qum generationi nec prosunt, nec obsunt, sed in circumstantiis aliquam prae se ferunt inordinationem (e.g., copula ob solam voluptatem habita), imprudentiam (e.g., copula tempore parum apto habita), immoderantiam (e.g., impudicitia pudori nociva, situs innaturalis, ut si stent vel vir succubet, ex levitate electus).

(d) Licita sunt intra matrimonium facta, quae tum ex parte objecti (scil., quia actus ordinatur ad finem matrimonii), tum ex parte circumstantiarum (scil., quia debito tempore, loco, modo, etc., ut prudentia exigit, exercentur) rationi rectae concordant. Unde non peccant conjuges sibi licita concupiscendo vel de iis gaudendo. Immo mulier onanistae licite cooperata non est peccati arguenda si gavisa sit de ipsa copula vel de bonis ejus effectibus, vel (saltem quando probabile videtur se semen excipisse) si ad completam voluptatem se excitaverit.